165

25. Молитва архангелу Михаилу.

Аще человѣкъ котораго дни глаголетъ, то не пріидетъ на него никакое зло, ниже діаволъ, но вся исчезнетъ яко прахъ; а по смерти того человѣка, душу адъ не приметъ:

Господи Іисусе Христе сыне Божій, великій Царю безначальный, не видимый, и не созданный, и сидяй на на престолѣ со О. и С. и со Св. Д., славимый и отъ небесныхъ силъ, безплотныхъ вой, посли Господи архангела своего Михаила на помощь мнѣ, грѣшному рабу им. р., избави мя враговъ моихъ видимыхъ и невидимыхъ; великій господине архангеле Михаиле, излей море благо на раба твоего имя рекъ, ты еси демоновъ сокрушителю и бѣсовъ прогонителю, избавя мя отъ бѣсовскихъ козней, на вѣтри и стужи, и человѣкъ лукавыхъ, и призри на мя недостойнаго раба твоего имя рекъ, и запрети имъ всѣмъ врагамъ, борющимся со мною, видимыхъ сотвори овецъ и не видимыхъ, яко прахъ предъ лицемъ вѣтра, и великій святый архангелъ Михаилъ, первой княже и воевода ангеломъ и архангеломъ, херувимомъ и серафимомъ и всѣмъ небеснымъ силамъ безплотнымъ, буди помощникъ во всемъ грѣшному рабу твоему, въ бѣдахъ и въ скорбяхъ, и въ печаляхъ, а на расходнымъ, и на морѣ и на рѣкахъ, и на сухомъ пути тихое пристанище буди въ пустынѣ, и сохрани-спаси, сохрани-укрѣпи у всѣхъ человѣкъ въ чести, избавился прелести діавольскія и проч.

(Извлечена изъ старинной рукописи; см. Ж. М. Н. Пр. 1863 г. № 1, ст. Щапова стр. 62. Извѣстна и на Сѣверѣ Россіи).