164

24. Молитва Архангелу Михаилу, грозному воеводѣ небесныхъ силъ.

Господи Боже Великій, Царю безначальный, пошли, Господи, архангела своего Михаила, на помощь рабу своему N, изъяти мя отъ врагъ моихъ видимыхъ и невидимыхъ. О господень великій архангеле Михаиле, излей мира благого на раба своего N.! О Господень, великій архангеле Михаиле, демоновъ сокрушителю, запрети всѣмъ врагамъ борющимся со мною, сотвори ихъ, яко овцы, и сокруши ихъ, яко прахъ, предъ лицемъ вѣтра. О Господень,

165

великій Михаиле архангеле шестокрылатый, первый княже и воевода небесныхъ силъ, херувимъ и всѣхъ Святыхъ, о чудесный архангеле Михаиле, хранителю неизреченный, буди ми помощникъ во всемъ, въ обидахъ, въ скорбяхъ, въ печаляхъ, въ пустыняхъ и на рѣкахъ и на моряхъ тихое пристанище. Избави мя, великій Михаиле архангеле, отъ всякія прелѣсти діявольскія. Егда услыши мя грѣшнаго раба своего N., молящагося тебѣ и призывающаго имя твое святое, ускори на помощь мою и услыши молитву мою. О великій архангеле Михаиле, побѣди вся противящіяся мнѣ силою честнаго и животворящаго креста Господня, молитвами Пречистыя Богородицы и святыхъ ангелъ и св. апостолъ, и св. великаго Николая Чудотворца, и св. пророка Иліи, и св. великомученикъ Никиты и Евстафія, и преподобныхъ отецъ и святыхъ святителей, небесныхъ силъ, аминь. О великій архангеле Михаиле, помози мнѣ, грѣшному рабу своему имя рекъ, избавитися отъ труса и потопа, отъ огня и меча, и отъ напрасныя смерти, и отъ всякаго зла, и отъ врага льстиваго, и отъ бури наносимыя, и отъ лукаваго избави мя, великій Михаиле, архангеле Господень, всегда, нынѣ и присно и вовѣки вѣковъ, аминь.

(Найдена между вещами богомолки московск. губ. умершей въ Холмогор. уѣздѣ. Такая же самая молитва записана была Н. И. Ивановымъ и въ Пинежскомъ уѣздѣ).