- 162 -

23. Молитва святаго священномученика Кипріана на прогнаніе сопротивныя непріязненныя сѣти и на имущихъ духъ нечистый, надо всякимъ инымъ.

Призываемъ Владыко невидимъ, благодѣтелю высокій мирный, Господи, Царю сотворивый небо и землю, отнюду же возсія сиречь начатокъ и конецъ, предавый человѣкомъ четвероногая гадина и звѣрія земныя, ты покорилъ еси Господи, прострилъ Господи руку твою крѣпкую и мышцу твою святую, и посѣщеніемъ святымъ посѣти насъ и здравія подаждь и посли ангела тепла, тѣлу и души хранителя, иже запретитъ и отженетъ отъ него духъ непріязненъ, яко ты еси Господь высокъ, отцу-утѣшителю благословенъ. Заклинаю тя, душе непріязненный, духомъ вдохнувшимъ человѣкомъ животъ вѣчный, его же имя страшно незъмогаютъ уста человѣка изглаголати, заклинаю тя огнемъ горячимъ съ сѣрою и пепломъ и трубою, емуже явльшуся солнце побѣжитъ на западъ, и звѣзды спадутъ на землю, и сплачются племена племеномъ и людіе людемъ; заклинаю тя сошедшимъ въ долняя части земли и разверзшимъ твердая верея и разрѣшившимъ болѣзни смертныя, и благовѣстившимъ патріархомъ изъ мертвыхъ воскресеніе; заклинаю тя ходившимъ по морю, воскинѣти въ немъ съ топившимъ, и по земли, въ ней же лежащимъ мертвымъ Богу на судищи; заклинаю тя повелѣвшимъ морю не преступати отъ предѣла своего, дондеже Господь пріидетъ судити миру; заклинаю тя вшедшимъ на Синайскую гору и глаголавшимъ Моисею и Аарону, явльшемся имъ во пламени огнемъ и въ столпѣ облачнемъ; заклинаю тя изведшимъ люди отъ земли Египетскія и давшимъ изъ пламени воду сладкую пити, превратившимъ воду въ кровь; заклинаю сидящимъ на престолѣ славы, предъ нимъ же станутъ тмы тмами ангелъ и архангелъ, херувимъ и сераѳимовъ, вопіющихъ: святъ, святъ, Господь Саваоѳъ! исполнь небо и землю славы твоея; благословенъ еси вовѣки, аминь. И ты душе лукавый даде

- 163 -

славу имени его, идеже сидиши, или во удеси тѣла его, или во главѣ, или въ темени, или въ крови, или очесѣхъ, или въ ушахъ, или во устѣхъ, или во языцѣхъ, или въ шеи, или въ плечяхъ, или между плечями, или въ мышцѣ, или въ персѣхъ, или въ душѣ, или въ сердцѣ, или въ селезени, и въ пелькахъ, или во чревѣ, или подъ чревомъ, или въ точилѣхъ, или во естественныхъ предѣлѣхъ, или въ крѣпости и во жилахъ, или въ костѣхъ, или въ мозгу, или въ крови, или во власѣхъ, отлучи душе лукавый, яко Богъ силенъ есть надъ всѣми, яко клятся, иже аще призоветъ имя Господне, исчезнути вамъ. Заклинаю тя именемъ Господа Іисуса Христа, распятаго при Понтійстемъ Пилатѣ; заклинаю тя рекшимъ: небо ми престолъ и земля подножіе ногама моима; заклинаю тя архангелы его, Михаиломъ и Гавріиломъ и Уріиломъ и Рафаиломъ; заклинаю тя великимъ именемъ Божіимъ, отлучися отъ созданія сего, заклинаю тя всеображное на злобу стремленіе, нападеніе дневное и полудневное и полуношное, отлучися отъ созданія сего и не изведи душа, ни разсыпати, ни разрушити тѣла, но устрой чисто живу Богу на судищи, заклинаю тя предъ идущимъ. Утвердите престолъ между небомъ и землею, суди всякому роду грѣшныхъ и ужниковъ и ты, душе нечистый, убойся имени его святаго, отъиди отъ созданія сего, убойся огня негасимаго, убойся родства огненнаго, всеядущаго, убойся уготовавшаго тебѣ огнь и сѣру и пепелъ, убойся явльшагося Моисею и Аарону на рѣцѣ Іорданстей, егоже видѣ рѣка уступися, и ты, душе лукавый, убойся, отступися отъ созданія сего; заклинаю тя одѣющимся свѣтомъ, яко ризою едною, имѣяй безсмертнаго, яко тому подобаетъ всякая слава, честь и поклоненіе Отцу и Сыну и св. Духу, нынѣ и присно и вовѣки вѣковъ, аминь. Христосъ градъ рубитъ около меня, раба Божія имярекъ, со всѣхъ четырехъ сторонъ, три стѣны желѣзны, четвертая камянная, кроетъ Христосъ городъ небомъ, замыкаетъ замки о пяти спицахъ, ключь мечетъ во синее море и скрозь тотъ желѣзной и камянной тынъ стрѣлы на прострѣлить и птицы не пролетѣть; такоже бы у меня, раба божія имярекъ, не опортить и не опризорить вѣкъ повѣку, отнынѣ и до вѣку, аминь. Господи Боже благослови Отче. Во имя Отца и Сына и св. Духа аминь. Есть святое море акіянъ, среди святаго моря акіяна есть бѣлъ камень, струи бъютце денная в полуденная и полуношная, поутру рано и вечеромъ поздо и середи темныя ночи, такоже бы у меня, раба Божія имярекъ, жилы не билися пуповая и становая исердечная; и какъ того бѣла камени съ мѣста не ворохнуть, такъ бы у меня, раба Божія имярека, не уваливать пупа, нескрививать становой (жилы?), и меня р. б. им. не испарчивать вѣкъ по вѣку, отъ нынѣ и до вѣку. И тѣмъ моимъ словамъ закрѣпа нынѣ и присно, и вовѣки вѣковъ, аминь.

Да воскреснетъ Богъ и разыйдутся врази Его и т. д.

Начинаемъ глаголати молитву святого священномученика Кипріяна въ день и часъ, въ онь же упражняеся сила сопротивнаго, ради славы живаго Бога сей святый священномученикъ Кипріянъ моляшеся Господу Богу свею душою глаголя:

Господи, Боже сильный, содержай вся, святъ еси, Господи, сый прославленъ, Царь царствующимъ и Господь господствующимъ, слава Тебѣ сидящему во свѣтѣ несочисленнемъ, Его ужасаются всяческая, Его же никто не видѣ, ни видѣти можетъ, иже тысящи тысящъ и тмою темъ святыхъ ангелъ и архангелъ предстоятъ предъ Тобою, Ты веси тайная раба твоего, яко не познавшу ми Тебе первые твари же сіе держахъ, облаки не одождити древеса садовная, еже не сотворити плода, на праздныя же неражати и иныя еще не зачати, на огражденіе токмо винограда взирахъ и творяхъ розгнѣжъ не цвѣтати, такоже и злакъ вертоградный, еже не прозябати, и рыбы морскія возбранихъ лежати и, просто рещи, всяко чародѣйство дѣяхъ и вси лукавіи бѣси мнѣ работаху. Нынѣ убо Господи, Отче сильный и великій, благоволивый отъ недостойна достойну ми быти и причаститися священному Твоему стаду и преестественному величествомъ, милосердовавый о мнѣ грѣшномъ и не восхотѣ погубити мя со беззаконніи моими, знаемаго сотвори и недостойнаго раба Твоего, припадаю бо и прошу Твое пречистое имя о всѣхъ православныхъ христіянахъ. И прочтется сія молитва на котораго главѣ, яко да разрѣшится отъ вязанія и удержанія и зависти и ненависти злаго срѣтенія и дѣйственнаго отравленія и языческаго яденія и клеветанія и клятвы, и кто убо стяжать будетъ молитву сію во своемъ дому, да будетъ соблюденъ отъ всякаго ухищренія, потвора и отравы лукавыхъ человѣкъ.

Господи Боже, Отецъ нашъ всея твари, небу и земли услыши, Господи, гласъ раба своего, имярекъ, и молящегося тебѣ, азъ бо созданіе Твое и дѣло руку Твоею, молюся Тебѣ и милосердію: пошли, Господи, мнѣ на помощь небесныхъ воеводъ, Михаила и Гавриіла, Рафаила и Уріила, херувимовъ и серафимовъ и всю небесную силу, и всѣ архангельски и ангельски полцы съ пламенными орудіемъ, съ покровомъ крилъ твоихъ, да послеши,

- 164 -

Господи, съ ними небесными силами помощь и силу, десницу руку Твоею, еще же и пошли, Господи, ризу Твою святую, да насъ одѣешь ризою Твоею чесною, и наставятъ на путь истины, да станутъ округъ и около всѣхъ насъ рабовъ Божіихъ во весь свѣтъ крѣпостію Твоею и помощію и заступленіемъ, яко столпи непоколебиміи, и утвердятъ стѣны недвижимыя отъ земли и до небесъ, да защититъ свѣтомъ не мерцающимъ отъ видимыхъ и невидимыхъ врагъ нашихъ, которые враги ополчатса на насъ; пошли, Господи, стрѣлы молняны на супостатъ нашихъ видимыхъ и невидимыхъ, враговъ нашихъ, да проженеши и побѣдиши и сокрушиши всѣхъ вскорѣ подъ ноги наша, яко прахъ предъ лицемъ вѣтра; который врагъ ополчится на насъ со бѣсовскою силою, начнетъ портити, бури вѣтренніи посылати или вѣтръ роздымать или стрѣлы вражіи посылати или дождь, или мразъ, или воды потопляти, и дороги засѣкать или мракъ темный посылать или къ дороги морозити, или изъ сѣделъ вышибати, или на дороги прожити, или горы и холми ставити или какія скорби посылати, или угорѣлыя паданцы, или умомъ обходная, или какіе иные напуски, или уветки, естественные уды или недуги какіе посылати, или завертки рвати, или супони верхныя и нижныя или оглобли ломати, или изъ гужовъ дуги выпрядывать и гужи рваться, или храмины разрушаться, или переды ломати, или землю колыбати, или половицы воздымати, вражіимъ привидѣніемъ казати, или черного звѣря въ избу пущати или волка пущати, или кошкою или собакою портити, или ножемъ, или стрѣлою, или копіемъ, или жеребей ..... въ кашу метати, или въ питіе или въ яденіе или въ бани угаромъ или по вѣтру спущати .... или собаки, или кошки, или съ копья, или съ рогатины или какими видами вражьими казати жениха или невѣсту, отъ тѣхъ всѣхъ сѣтей вражіихъ и привидѣній бѣсовскихъ отъ всякихъ насыльныхъ скорбей колдуновыхъ и колдуньихъ и сорокою, или вороною, или какою птицею воружатся, супостатъ нашъ найдетъ портити; Господи, Боже нашъ, Ты нынѣ и самъ приди, съ небесными воеводами и грозными силами, отжени отъ мене, отъ насъ всякаго врага и супостата нашего и со всею силою вражьею вскорѣ сокруши подъ ноги наша, яко прахъ предъ лицемъ вѣтра, и нынѣ же, Господи, осени насъ десницею Твоею, небеса добродѣтелію своею, подъ твердію тремя святыми полками и шестію столпами, крѣпостію Твоею непоколебимою или окрестъ враги наша, и даруй побѣду на нихъ и на нечистые духи ихъ во имя Отца и Сына и Св. Духа, аминь. Востани, Господи, въ помощь намъ пресвѣтлого лица Твоего, умываемся, Господи, свѣтомъ лица Твоего, утираемся, Господи, зарею разума Твоего, святого евангелія; сохрани насъ, Господи, въ утри рано и вечеряхъ поздо, во дни и нощи, отъ колдуновъ и отъ колдуней, отъ вѣдуна, отъ вѣдуньи, отъ всякаго зла сохрани насъ, Господи, отъ старца, отъ старицы, отъ вѣдуницы, отъ молодицы, отъ рыжаго, отъ чернаго, отъ двоезубаго, отъ трезубаго, отъ плѣшиваго, отъ шелудиваго, отъ всякаго человѣка; а еще который человѣкъ начнетъ вооружаться со враги, портити насъ посылати лѣшихъ и водяныхъ, дворовыхъ или подпольныхъ или какихъ невидимыхъ, или насъ отсылати начнетъ невидимымъ, сохрани нась, Господи, отъ тѣхъ всѣхъ враговъ насильныхъ, видимыхъ и невидимыхъ, зракъ защити ризою своею и нетлѣннымъ щитомъ отъ земли и до небесъ, и вкругъ около всѣхъ насъ во весь свѣтъ сохрани насъ, Господи, отъ всякія скорби отъ Огнянеи и отъ Гнетеи, и отъ Коркуши и отъ Трясовицы, и отъ Трясуницы и отъ черной Плясовицы, и отъ Блядовицы и отъ Яровицы, и отъ мимоходящихъ и отъ малоходящихъ, отъ стрѣлы и отъ прострѣла, отъ ворогуши, отъ жабы, отъ закосу, отъ винокосу и кружачей, отъ вертячей и отъ уроковъ, отъ оговоровъ и отъ призоровъ, и отъ всѣхъ скорбей, отъ всѣхъ седмидесяти двухъ немощей насильныхъ и отъ лихого глаза, и отъ лихой думы и мысли.

Крестъ хранитель всей вселенной, крестъ красота церковная, крестъ апостоломъ слава, крестъ царямъ держава, крестъ бѣсомъ язва, крестъ на враги побѣда и одоленіе, крестомъ ограждаемся, крестомъ врага прогоняемъ, крестная сила съ нами, крестъ Господень помогай намъ силою Іисусъ Христовою прогоняти силу вражію, всегда и нынѣ, тойже и во вѣки, аминь. Хомада Мудросота. Комада Дромулота.

(Списано П. С. Ефименкомъ со старинной рукописи, полученной изъ г. Архангельска, отъ Ф. Ф. Вальнева).