179

Жизнеописание Епифания

Часть первая

Послушания ради христова и твоего ради повеления и святаго ради твоего благословения, отче святый, и прошения ради раба-тово христова, не отрекуся сказати вам о Христе Исусе; но¹ не позазърите скудоумию² моему и простоте моей, понеже грамотики³ и философии не учился, и не желаю сего, и не ищу, но сего ищу, како бы ми Христа милостива сотворити себе и людем, и богородицу, и святых его. А что скажу вам просто, и вы бога ради собой исправьте со Христом, а мене грешнаго простите и благословите, и помолитеся⁴ о мне ко Христу и богородице, и святым его. Аминь.

Родился я в деревне, и как скончалися отец мой и мати моя (л. 286) и аз грешный идох⁵ во град некий зело велик и многолюден, а град благочестивой, христианской, ⁶и пребых в нем седмь лет⁷. И прииде ми помысл взыскати пути⁸ спасения⁹ и идох ко всемилостивому спасу во святую обитель Соловецкую, ко преподобным отцем нашим Зосиме и Саватию. И тамо ми благодать христова поспешила: отцы святии приняли мя с радосьтию, а иным отказали. И сподобил мя Христос и богородица, и святии его быти у них в послушании седмь лет не зазорно пред богом и не укорно пред человеки. Вси мя за послушание любиша. И посем святый отец наш архимарит¹⁰ Илья и прочий отцы возложили на мя святый¹¹ иноческий образ, и в том иноческом образе сподобил мя бог быти у них в послушании пять лет, и всего 12¹² лет был¹³ у них. И как грех ради наших попустил бог на (л. 286 об.) престол патриаршеский наскочити Никону, предотече антихристову, он же, окаянный, вскоре посадил на Печатной двор врага божия Арьсения — жидовина и грека, еретика, бывшаго у нас в Соловецъком монастыре в заточении. И той Арсен — жидовин и грек, быв у нас в Соловках, сам про себя сказав отцу своему духовному, Мартирию священъноиноку, что он в трех землях был и трою ¹⁴отрекалъся Христа¹⁵, ища мудрости бесовския от врагов божиих. И с сим Арсением, отметником¹⁶ и со врагом христовым, Никон, враг же христов, начаша они, враги божий, в печатныя книги сеяти плевелы еретическия проклятыя, и с теми злыми плевелами те книги новыя начаша посылати во всю Рускую землю на плачь и на рыдание церквам божиим и на погибель душам человеческим.

180

Тогда у нас в Соловецком (л. 287) монастыре святии отцы и братия начата тужити и плакати горько и глаголати сице: «Братия, братия! Увы, увы! Горе, горе! Пала вера христова, яко ж¹⁷ и в прочих землях¹⁸, в земли Руской двема врагами христовыми, Никоном и Арсеном». Паче же всех прежреченный Мартирию¹⁹-священноинок обливашеся горкими многими слезами, возвещая трикратное отречение арсениево от Христа, бога нашего, оберегая детей своих духовных²⁰ и прочию братию от Арсения, отступника и еретика. Тогда и аз, многогрешный, со святыми отцы тужа и плача, пребыл с ними время некое. И от тоя тоски и печали, по совету и²¹ благословению старца келейнаго и отца духовнаго, взем книги и иная нужьная потребная пустынная, и благословил мене старец образом пречистыя богородицы со младенцем Исус Христом медяным вольяшным, и изыдох (л. 287 об.) от святаго монастыря милости у Христа просити себе и людем в дальнюю пустыню на Суну реку, на Виданьской остров, от Соловков четыреста верст, а от великаго озера Онега 12 верст. И тамо обретох старца, именем Кирила, чюдна и славна житием, пребывающа в молитвах и во псалмех, и в посте, и милостыню творяше велику сиротам и вдовицам. Держаше бо той старец у себе в пустыне толчею и мельницу на нужную потребу себе, а иное все отдаваше требующим, Христа ради. И той мя старец принял к себе в пустыню с великою радостию и удержа мя у себе, Христа ради. И бе со старцем в келии живяше бес зело лют; много бо старцу пакости творяше во сне и на яве. Некогда бо той старец Кирило изыде ис тоя пустыни во Александров монастырь духовныя ради потребы ко отцем (л. 288) духовным и приказал свою пустыню назирати отцу своему родному Ипатию и зятю своему Ивану, в деревне живущим, 12 верст от его пустыни. «А в келию мою, — рече, — не ходите», оберегая их, старец, от беса, сице рек. Зять же его Иван соблудил со женою своею и, не обмывся, взем соседа своего, именем Ивана же (о сем сказа нам жена его последи), и идяше пустыни дозрети, и не послушаша²² старцева наказания, внидоша в келию его и возлегоша спать. Бес же Ивана поганаго до смерти удавил и власы долгия кудрявыя со главы содрал и надул его, яко бочку великую, а другаго Ивана вынес ис келии в сени и выломил ему руку. И той Иван живой спал в келье и в сенех день да нощь и, как наполняшеся сутки, он же пробудился, яко пьян и рукою (л. 288 об.) своею не владея, приползе ко Ивану удавленому, хотяше бо его разбудити, и узре его удавлена, отекша, надута, и ужасеся зело, едва ис келии исползе на брюхе и на коленах, и кое-как приполъзе во другую, во странноприимную келью; и тут полсуток со умом собирался. И посем сволокся в карбас и пустился на низ по реке, и принесе его вода в деревню ко Ипатию, тестю Ивана удавленаго. Он же взем людей и иде в пустыню и в келью старцеву, и взяша затя своего, и понесоша. И треснула кожа на Иване удавленом: бе бо надул его бес крепко и туго зело, и истече крови много в келье. Они же ужем связаша ему брюхо и на древе несоша его в каръбас, яко бочку, и везе на погост и вь яму (л. 289) в четыре доски положиша, тако и погребоша. Сия ми вся поведа старец Кирило и Иван безрукой и Иван Лукин, которой тово удавленово носил и погребал. И после того та келья стояше пуста, а старец Кирило в странноприимной келье живяше. И послаша²³

181

Окончание «Жития» Аввакума и начало «Жития» Епифания; автографы;
Библиотека Академии наук СССР

182

мене старец в ту келью жити, идеже бес живет; аз же, грешный, старцу рекох сице: «Отче святый, помози ми во святых своих молитвах, да не сотворит ми дьявол пакости». И рече ми старец: «Иди, отче, Христос с тобою, и богородица, и святии его, да и аз, грешный, в молитвах буду помогаги тебе, елико бог помощи подаст», и благослови мя в келию ити. Аз же со благословением старцевым идох в келию ту, идеже бес живет. И нача сердце мое трепетатися во мне, и кости и тело дрожати, и власы на главе моей воста (л. 289 об.) ли, и нападе на мя ужас велик зело. Аз же, грешный, положил книги на налой, а образ вольяшной медяной пречистыя богородицы со Исус Христом поставил в киоте, и благодаря бога и богородицу и святых²⁴ всех, и на помощь призывати их себе, да не дадут мя в поругание бесу. И много о сем докуки было всяко, простите мя бога ради. Посем кадило ²⁵нарядил и покадил²⁶ образы и книги, и келию, и сени, и ино, и начал вечерню пети и псалмы, и каноны, и поклоны, и иное правило, по преданию старца келейнаго, и продолжися правило до полунощи и болше (сие было до крещения христова за два дни). И утомяся доволно, и возлег опочинути, и живоносным крестом христовым оградил себя триж²⁷, призывая Христа и богородицу, и святаго ангела хранителя моего, да сохранит мя и оборонит (л. 290) от беса силою христовою. И абие сведохся в сон и спах до заутрени мирно и тихо, ни страха, ни духа бесовскаго не ощутил. И благодатию христовою, и образом вольяшным медяным пречистыя богородицы изгнан бысть бес ис келии тоя. Посем и старец Кирило прииде ко мне в келию ту жити, и жил я в той келье у старца 40 недель. Не видали мы беса ни во сне, ни на яве. А как я вольяшной медяной образ пречистыя богородицы ис келии от старца Кирила вынес во свою пустыню и во свою келию, да и сам вышел от него, так бес и опять к нему в келию пришел жить с ним. Старец же Кирило, не бояся беса, живет с бесом, терпит от него всякую обиду²⁸ и пакости во сне и на яве о сем мне сам старец Кирило последи сказал в духовне. А живя я (л. 290 об. ) у старца в келии, по его благословению, на том же острову, от его келии полверсты, строил себе келейцу малую, безмолъвия ради и уединения, о пяти стенках: меж углы одна, с локтем, сажень, а другая полсажени поперек, а вдоль с первую; малая книг ради и правила — белая, а другая — ²⁹покоя ради и рукоделия³⁰. И егда совершил келейцу помощию христовою, и покрыл, и стенки вытесал, и опечек зделал, и образ вольяшной медяной пречистыя богородицы со Исус Христом внес и поставил на белой стенке, и помоляся ему, свету-Христу и богородице-свету, и рекох ко образу сице: «Ну, свет мой Христос и богородица, храни образ свой и келейцу мою и твою», и поклоняся ему, и идох ко старцу в пустыню. И пребых у него два (л. 291) дни труда ради мельничнаго. И на третей день идох во свою пустыню и узрех издалеча келейцу мою, яко главню стоящу. И вострепета во мне сердце мое, и потекоша от очей моих слезы на землю, и нападе на мя печаль великая, и не могох с того места никамо ж двигнутися от горькия печали, и начах вопити к богородице, зря на небо и на келию, яко³¹ главню, взирая, сице вопя: «О, пресвятая госпоже, владычице моя богородице! Почто презрела еси бедное мое моление и прошение отринула, и приказу моего не послушала, келейцы моея и своея не сохранила, но и образа своего

183

Иллюстрация:

Виданский остров на реке Суне (фото автора)

184

не пощадила? Се ныне мне, бедному и грешному, где работати и славу воздати Христу, сыну твоему, (л. 291 об.) свету нашему и богу, и тебе-свету? Где мне милости просити у Христа и у тебе, и бремя греховное оттрясати, яже от юности моея накопишася? Где быти безмолвию, по преданию святых отец? Где рукоделию быти и от того питатися, по христову словеси и святых отец? Где старца келейнаго преданное правило наполняти?» И иная подобная сим. И воздохнув, на небо зря, милости прося у Христа и у богородицы, и идох к келье огорелой. А около келии приготовлено было на сенишка лесу много, то все пригорело; а у кельи кровля по потолок вся съгорела, и около келии — чисто все огнь полизал. Аз же, грешный, воздохня от печали, внидох в келию огорелую. О, чюдо неизреченное (л. 292) христово и пречистыя богородицы! В келии чисто и бело, все убережено, сохранено, огнь во келию не смел внити, а образ на стене стоит пречистыя богородицы, яко солнце сияя показа ми ся, и обрати ми ся печаль в радость, и воздех руце мои на небо, хвалу и благодарение воздая Христу и богородице, и падох пред образом на землю лицем, и помоляся поклонами и молитвами, да поможет ми бог паки келейцу построити. И помощию христовою и пречистыя богородицы, у келии³² верьх нарубил и покрыл, и стены и углы огорелыя ³³с мохом³⁴ досками обил, и сенечки построил, а старец Кирило и печь склал каменную со глиною. И благодатию христовою келия моя совсем стала готова. И по малех днех взем у старца Кирила благословение и идох во свою келию и во свою пустыню милости (л. 292 об.) просити у Христа и богородицы и святых его себе и людем. И по двух неделях начата ко мне в келию беси приходити по нощем, устрашающе мя и давляше, не дающе ми опочинути. И того было не мало время. Аз же грешный много о сем моляхся Христу и богородице, да избавит мя от бесов. Беси же таки что день, то пуще устрашают мя и давят. Аз же прилежнее притекаю и молюся Христу и богородице, да избавит мя от бесов. И некогда после правила моего с великою боязнию возлег опочинути, моляся прилежно богородице, и абие сведохся в сон. И отворишася сенныя двери, а в келейце³⁵ стало светло в полунощи; и паки келейныя двери отворишася, и внидоша в келию ко мне два беса, и поглядели на меня, и (л. 293) скоро вспять возвратилися ³⁶ис келии³⁷, и келию мою затворили, и не весть камо ищезоша. Аз же помышляю, чесо ради беси не давили мене и не мучили, и смотрю по келейце моей туды и сюды, а в келии светло, а я лежу на левом боку, и возрех на правую руку, и на правой руке на мышце моей лежит образ вольяшной медяной пречистыя богородицы. Аз же грешный левою рукою хотел его взять, ано и нету. А в келии стало и темно, а икона стоит на стене по-старому, а сердце мое наполнено великия радости и веселия христова. Аз же прославих о сем Христа и богородицу. И от того часа близ году не видал, ни слыхал бесов ни во сне, ни на яве.

И паки некогда после правила моего, мнитмися, в полунощи или и дале возлегшу ми опочину(л. 293 об.)ти от труда, и абие сведохся в сон тонок. И приидоша ко мне в келию два беса, один наг, а другой ф кавтане, и взем доску мою, на ней же почиваю, и начаша мене качати, яко младенъца, и не дадяху ми опочинути, играюще бо. И много сего было у них. Аз

185

же, осерьдяся на них, востал со одра моего скоро и взем беса нагово поперек посреде его; он же перегнулся, яко мясище некое бесовское; и начах³⁸ бити о лавку о коничек, и вопиюще сице к высоте небесней великим голосом: «Господи, помози ми! Пречистая богородица, помози ми! Святый ангеле, мой хранителю, помози ми!» И мнитмися в то время, кабы потолок келейной открывается, и прихо(л. 294)жаше ми сила божия оттуду на беса, еже мучити его. А другой бес прямо дверей стоит в велице ужасе и хощет вон бежати ис келии, да не может, нозе бо его прилепишася к мосту келейному и мучится, тянет, нозе свои от земли оторвати хощет, да не может, и сего ради бежати нелзе ему. Аз же велегласно вопию ко господу по вышереченному; и сего было времени³⁹ не мало. И не вем, как бес из рук моих ищезнул. Аз же возбнухся, яко от сна, зело устал, биюще беса, а руце мои от мясища бесовскаго мокры. И после того болше году, мнитмися, не бывали беси ко мне в келию. И по сих в некое время, до покрова за две недели, после пра(л. 294 об.)вила моего, возлегши ми по обычаю моему на месте моем обычном, на голой доске, а глава ко образу пречистыя богородицы, от образа пяди три или две⁴⁰. Еще ми не уснувшу, отворишася двери сенныя скоро зело и пылъко, да и келейная⁴¹ дверь⁴² скоро-скоро зело отворишася, и вскочил ко мне в келию бес, яко лютой и злой разбойник, и ухватил мене, и согнул вдвое, и съжал мя крепъко и туго зело; невозможно ми ни дышать, ни пищать, толко смерть. И еле-еле на великую силу пропищал в тосках сице: «Никола⁴³, помози ми!». Так он мене и покинул, и не вем, куды делся. Аз же, грешный, собрався со душею моею и со сле(л. 295)зами начах глаголати с великою печалию ко образу вольяшному пречистыя богородицы сице: «О, пресвятая владычице моя, богородице, почто мя презиравши и не брежеши мене, беднаго и грешнаго! Я веть на Христа-света и на тебя-света надеяся, мир оставил и вся, яже в мире, и монастырь оставил⁴⁴, и идох в пустыню работати Христу и тебе, и всю мою надежу во всем возложил на Христа и на тебя. Видиши ли, владычице моя, богородице: вмале веть разбойник-от⁴⁵ злодей меня не погубил, а ты не бережеши мене! Богородице, свет моя, не покинь мене, беднаго раба твоего, обороняй мене от злодеев-тех!», и иная подобная сим. И от печали тоя (л. 295 об.) великия найде на мя сон, и вижу себя седяща посреде келейцы моей на скамейке маленькой⁴⁶ (на ней же рукоделие мое временем делаю), а богородица от образа прииде, яко чистая девица, и наклоняся лицем ко мне, а в руках у себя беса мучит, кой меня мучил. Аз же зрю на богородицу и дивлюся, а сердце мое великия радости наполнено, что богородица злодея моего мучит. И даде ми богородица беса уже мертваго в мои руки. Аз же взем у богородицы из рук беса мертваго и начах его мучити в руках моих, глаголюще сице: «О, злодей мой, меня мучил, а и сам пропал!» И бросил его в окно на улицу. Он же и оживе, и востал на ноги свои, яко пьян. И рече ми бес сице: «Уже я опять к тебе не буду, иду на Вытергу⁴⁷». Бе бо Вытерга (л. 296) волость велика тамо есть. И аз рех ему: «Не ходи на Вытергу, иди тамо, где людей нету». Он же, яко сонной, побрел от кельи прочь. Аз же яко от сна убудихся и обретохся вместо печали в великой радости, и прославих Христа и богородицу-света.

186

А живя я в пустыне, сподобил мя бог питатися от рукоделия, а иное боголюбцы приносили Христа ради, и я у них приимал, яко от руки христовы, прося им милости у Христа и богородицы и святых его. А что Христос пришлет и паче потребы моея рабы своими, и аз то паки отдавал требующим, Христа ради. И о всех сих слава Христу и богородице, и святым его всем во веки, аминь. А в пустыне жити без рукоделия невозможно, понеже находит уныние и печаль, и тоска велика. Добро в пустыне псалмы, молитвы⁴⁸, руко(л. 296 об.)делие и чтение. Так о Христе Исусе зело красно и весело жити. О, пустыня моя прекрасная!

И во сто седмьдесять третьем году, после велика дни вскоре, от труда рукоделнаго и правилнаго возлег на одре моем опочинути и абие сведохся в сон тонок. И скоро отворишася двери сенныя, и вниде бес в сени. Аз же идох в сени ко дияволу и хощу его рукою моею живоносным крестом христовым оградити, он же побежал от мене. Аз же, яко за разбойником, за бесом гонюся, и ухватил его поперек, и согнул его вдвое, и начах его о сенную стену бити, а сам воплю великим голосом к высоте небесной, глаголюще сице: «Господи, помози ми! Богородица, помози ми! Ангеле мой святый, помози ми!» И, мнитъ (л. 297) мися, тогда на уме моем, кабы от высоты небесныя, от бога приходит ми помощь великая на беса мучити его, и того у мене труда было много над бесом, и не вем, как из рук моих выскочил и ушол. Аз же, грешный, яко от сна вострепенул⁴⁹, зело устал, умучился, беса биюще. И скоро нападе на мя уныние и печаль велика, и бых яко изумлен до часа десятаго и болше того дни. И после обеда от печали тоя великия возлег опочинути в келии, и абие бысть шум велик, и дым в келию мою вниде. Аз же возстах скоро со одра и идох шума видети, и узрех — у келии моей огнь велик зело дышет, съел у мене дров шесть сажен, да карбас, да и иново (л. 297 об.) лесу немало, а пламя вверьх дышет саженей на пять и хощет келию мою полизати скоро и сурово. Аз же видех беду скорую, наносимую от злодея моего, от разбойника, от беса, и кинулся скоро-скоро к богородице в келью, и воздех руки мои на высоту небесную и завопел великим голосом ко образу вольяшному медяному пречистыя богородицы, сице глаголюще: «О, пресвятая владычице моя, богородице! Помози ми, рабу твоему, избави мя от напасти сея, наносимыя ми от злодея моего, от разбойника, сохрани келейцу свою и мою от огня сего, яко ж и преж сего сохранила еси». И ударился о землю трою предо образом, и изыдох ис келии. О, чюдо преславное! О, диво великое! О, милость великая⁵⁰ христова и пречистыя богородицы! Ветр ⁵¹бо стал⁵² (л. 298) дуть и отвратил пламя огненное от келии моей, и благодатию христовою и пречистыя богородицы заступлением пребысть келия моя сохранена от огьня и ничим же не врежена. О всех сих слава⁵³ Христу и богородице-свету⁵⁴.

Что же по сих, не возможе бо диявол пакости сотворити ми — келии моей сожещи, он же, злодей, инако покусися: насадил бо ми в келию черьвей множество много, глаголемых мравии. Да не позазрите ми, отцы святии и братия, всяка плоть не похвалится пред богом. И начата у мене те черви-мураши тайныя уды ясти зело горько и больно до слез. Аз же, многогрешный, варом их стал варить, они же ми ядяху тайныя уды, а иново ничево не ядят, ни рук, ни ног, ни иново чево, токмо (л. 298 об.) тайныя

187

уды. Аз же давить их стал руками и ногами, а они прокопаша стену келии моея и идяху ко мне⁵⁵ в келию, и ядяху ми тайныя уды. Аз же келию мою землею осыпал и затолок крепко и туго, а они не вем как и землю, и стену келейную прокопаша и ядяху ми тайныя уды. И гнездо себе зделали поть печью, и оттуду исхожаху ко мне, и ядяху ми тайныя уды⁵⁶. Аз же гнездо их кошницею носил в воду, а они болши тово наносят всяково порошья туды. И тово у меня было труда с ними много: что ни делаю, а они у меня кусают за тайныя уды. Много (л. 299) помышлял мешок шить на тайныя уды, да не шил, так мучился. А иное помышлял — келию переставить, не дадяху бо ми ни обедать, не рукоделия делати, ни правила правити. Многажды бо правило по книге на улице у креста болшово говорил; где ни стану в келии, а они за тайныя уды кусают. Горько и больно! И тоя напасти бесовския было больше трех месецов. И на последи уже сел обедать, а тайныя уды крепко закутал, они же, не вем как, достигли и укусили. И слезы изо очей моих потекоша, аз же востах ото обеда — ⁵⁷не до обеда⁵⁸ стало — и воздех руце мои и возопил ко образу вольяшному пречистыя богородицы, глаголюще сице: «О, прествятая владычице моя, богородице, избави мя от на (л. 299 об ) пасти сея бесовския». И ударихся трою о землю и больше со слезами. И от того часа перестали у меня мураши тайных удов кусати и ясти, да и сами по малу-малу вси ищезоша, и не весть, камо дешася. И о всех сих слава Христу и богородице-свету ⁵⁹во веки. Аминь⁶⁰.

Простите мя, отцы святии и братия, согрешил я, много веть я мурашей-тех передавил, а иных огнем пережег, а иных варом переварил, а иных в землю закопал, а иных в воду множество много кошницею переносил и перетопил в воде. Колико-то себе труда-тово суетново сотворил, муки той принял бездельной. Хотел было, окаянной, своею суетною немощною (л. 300) человеческою силою и промыслом келию себе очистити от проказы бесовския: давил, да огнем сожигал, да в воду носил, ано никако силою человеческою сего невозможно сотворити. А сего и на разум тогда не попало, что было вопети о сем ко Христу и богородице и святым его. Видите ли, отцы святии и братия, колико намощна сила-та человеческая: и худаго, и малаго червия, и ничтоже мнимаго без благодати духа святаго невозможно одолети, не токмо зверя или беса, или человека, но и худаго и ничтоже мнимаго всякаго дела без помощи божий невозможно исправити.

Посем простите мя, отцы святии и братия, в слове и в деле, и в по (л. 300 об.) мышлении и благословите и помолитеся о мне, грешнем, Христу и богородице и святым его. А я, грешной, должен о вас молитися, о чтущих, и о слушающих, и о преписующих сие. Буди на вас благодать христова и милость, и пречистыя богородицы, и святых его всех, и на домех ваших, во веки веком. Аминь.

188

Часть вторая

(л. 107) ⁶¹За слово и за свидетельство Исус Христово юзник темничной, многогрешный инок Епифаний возлюбленному моему о Христе Исусе чаду и брату, посетившему мя некогда в темнице, Афанасию, за милость и любовь христову, по плоти родившаго отца твоего, во истинну милостиваго и боголюбиваго, мир ти и отцу твоему христолюбивому, и всему благодатному дому вашему и благословение, и милость, и благодать от бога отца и господа Исуса Христа. О имени господни послан ти крест христов кедровой, и ты, чадо мое любимое, приими его, господа ради, с любовию христовою и почитай его честно, и поклоняйся ему, яко самому Христу или яко⁶² образу христову. Есть писано во святом писании, яко Христос в кресте, а крест во Христе — и ты, рабе христов, почитай крест христов, яко самого Христа, и поклоняйся ему, яко самому Христу или яко образу христову, с верою теплою сердечною, и проси у Христа-бога, его же хощеши, по воли его святей, и даст ти милость и благословение зде (л. 107 об.) и в будущем веце, во веки, аминь.

Да послано ти, чадо мое любимое, о Христе Исусе, жития моего часть малая. Вото тебе и другая часть жития моего беднаго и грешнаго, и страдания моего темничнаго горкаго Христа Исуса ради сладкаго; и ты, чадо мое любимое Афанасие, приими его с любовию христовою господа ради, и сложи его с прежнею частию жития моего вместо⁶³, и зри на него, яко на мене, беднаго старца, и прочитай его с любовию господнею, и аще что обрящеши на ползу души своей, и ты, чадо, о сем прослави Христа-бога, а мене, грешнаго, не забывай во святых своих молитвах, да милостив ми будет господь бог. А аз, грешный, за милость и любовь христову, отца твоего, родившаго тя, и за твое ко мне темничное посещение прошу вам милости у Христа-бога, елико господь ми помощи подавает. Да молю тя о Христе Исусе, чадо мое любимое, отца твоего, родившаго тя и воспитавшаго тя, во всем его слушай (л. 108) и почитай его с любовию христовою; такоже и ты почтен будеши от своих чад, паче же почтен будеши от бога в сем веце и в будущем во веки, аминь. Посем паки мир ти, чадо мое любимое, и отцу твоему, и братии твоей, и всему дому вашему и благословение, и милость, и благодать от бога, отца нашего Исуса Христа, и от мене, грешнаго старца, раба его⁶⁴. А аз ныне уже, чадо мое, сежу в темнице исполу мертв-жив, погребен землею, яко во гробе, и ожидаю исходу души моей с часу на час.

Ну, чадо, слушай же жития моего грешнаго, да молю тя о Христе Исусе: не позазри простоте моей, понеже аз граматики и философии⁶⁵ от юности моея не учился и не искал сего, и ныне не ищу того, но сего ищу, како бы ми Христа Исуса милостива сотворити себе и людем. И что обрящеши просто и неисправлено, и ты собою исправь со Христом Исусом, а мене,

189

грешнаго, прости и благослови, и помолися о мне Христу-богу и (л. 108 об.) богородице, и святым его.

Чудо о кресте Христа бога и спаса нашего⁶⁶. Мнитмися, чадо ⁶⁷мое и брате мой любимый Афанасий⁶⁸, во 172 году седящу бо⁶⁹ ми в келии в пустыни моей Виданьской, приехал ко мне в пустыню зимой християнин на лошаде, а на дровнях у него брусье изготовлено на болшей крест, и прииде к моей келейце с великим опасением и со страхом божиим, мня мя живуща в пустыни, яко чюдна и свята мужа, и приступя ко оконцу моему, сотвори молитву сице: «Господи Исусе Христе, сыне божий, помилуй нас»⁷⁰. Аз же рек: «Аминь»⁷¹. И рече ми християнин: «Отче святый и господине, прислан аз⁷² к тебе богом, и привез тебе хлеб, да четверик ржи и денег у мене возми, елико хощеши, а зделай мне бога ради крест христов». Аз же, грешный, рек ему сице: «Рабе божий, которым ты образом прислан ко мне, грешному, в пустыню и далече ли от моея пустыни живеши?» И рече ми християнин: (л. 109) «Зимою, господине, 40 верст, а летом и болши; за болотами живу и за порогами страшными, великими, непроходимыми от тебе; имею у себя жену и чада, и деревню пашенную, и по лесам хожу, звери ловлю всякия и птицы. И некогда бо⁷³, отче святый, ходящу ми⁷⁴ то лесам по обычаю моему, ищущу ми зверей и птиц на лов мой, и уже много времени не токмо уловити, но и не видал ни оленя, ни лисицы, ⁷⁵ни куницы⁷⁶, ни зайца, ни тетерева и, просто рещи, никакова животна, и нападе на мя печаль велика и уныние горькое, понеже как и почал полесовати, не бывала ⁷⁷такая на мене⁷⁸ беда. И прииде ми на ум тогда, отче святый, сие: есть у нас близ нашея деревни остров зело красен и велик, и на том острове скоты наши ходят, и многия люди говорят, достойно-де на сем острове быти пустыни или монастырю и церкви, а ⁷⁹хотя-де бы⁸⁰ ныне какой боголюбец крест христов поставил, и то бы-де зело добро. (л. 109 об.) И се слово паде⁸¹ на сердце мое и запали огнем божественным душу мою и сердце мое, и всю утробу мою, и вся уды моя, да поставлю крест христов на том острове, на славу Христу-богу нашему и на поклонение православным християном. И возведох очи мои на небо, и прекрестил лице мое⁸² христовым знамением и рекох сице: господи Исусе Христе, сыне божий, помилуй мя, грешнаго, дай ми лов днесь⁸³ какой ни буди⁸⁴, и аз ти, грешный, на сем острове, имярек, поставлю крест на славу тебе свету и на поклонение православным християном. И егда дал обещание богу, зря на небо, и как⁸⁵ сведох очи мои с небес на землю, и начах очима моима обзирати около себе сюдю и сюду, зря лова, какова любо ми, посланнаго⁸⁶ от бога. О, скораго услышания Христа-бога, ⁸⁷света нашего⁸⁸! О, дивное милосердие христово, о, чюдо несказанное, его же ни отцы, ни деды наши ни слыхали, ни видали: вижу скоро издалеча борана великаго, и скоро идох (л. 110) к нему, славя бога, боран же мил ми ся дея; аз же, грешный, взем ⁸⁹борана за рога⁹⁰, дивяся неизреченной милости божий, и сведох борана в деревню мою с радостию великою, дивяся скорому услышанию христову и милости спасове. И поведах сие чюдо божие великое жене моей и чадом моим, и всем соседям моим, и вси прославиша бога о сем чюдеси». И паки рече ми християнин: «Не дивно бы ми было, отче святый, аще бы ми послал бог оленя или соболя, или лисицу драгую⁹¹, или ин зверь⁹², то бо их дом и

190

жилище, бе бо лесу на все страны по сту верст есть и болше, туто живут все звери и птицы, а жилищь человеческих, ни деревен, ни слуху нету. Да прости мя, грешнаго, отче святый, согрешил я, окаянный: по малу-малу день от дне, неделя от недели, месяц от месяца и уже конечьне отложил обещание мое о кресте ко Христу-богу нашему, и по се время, господине, уже два года минуло обещанию моему. И ныне, отче, (л. 110 об.) во един от дней от труда деревенскаго внидох в хижу мою и возлег опочинути, и скоро отворишася двери избы моея и вниде ко мне в ызбу мужь светолепен, весь бел и ризы на нем белы, и ста предо мною, мне же лежащу, и рече ми мужь той светолепный сице: «Человече, что забыл еси обещание свое, еже о кресте христове?» Аз же рекох ему: «Отче святый, не умею креста зделать». И рече ми мужь той: «Иди на Суну реку, на Виданьской остров: тамо в пустыне соловецкой старец живет, именем Епифаний, он тебе ⁹³зделает крест⁹⁴», — и невидим бысть мужь той святолеганый. Аз же воспрянух, яко от сна, и взем бревно, и внесох в ызбу мою, и посуша, обрусил его, и привезох, господине, днесь к тебе в пустыню. Сотвори милость со мною, Христа ради, и любовь духовную, возми у мене хлеб да четверик ржи, да и денег, елико хощеши, а зделай мне крест христов, исполни мое обещание, к тебе аз⁹⁵ послан богом». Аз же рек (л. 111) ему: «Да есть ли от вашея деревни ближе моея пустыни грамотныя люди?» — И рече ми християнин: «Есть, господине, от нас шесть верст погост, тамо живут поп да⁹⁶ дьяк, да к ним ⁹⁷не послан я⁹⁸, но к тебе в пустыню ехал 40 верст.» Аз же, грешный, прославих о сем Христа-бога и взем у християнина хлеб да четверик ржи, а денег не взял. И препоясахся поясом моим, и взем топор в руки и иную снасть, подобную кресту, и делал креста два дни⁹⁹, и слова вырезал¹⁰⁰ на кресте, и покрыл его, и помощию христовою вся построил о нем, и по обычаю моему помоляся со християнином Христу и кресту христову, и росписав^I—1 кровлю у креста, и иная вся указав ему, и разобрав крест, положихом его честно на дровни и с миром о Христе Исусе отпустил християнина в путь его; он же, радуяся зело о получении креста христова, идяше к домови своему в путь свой. О всех сих слава Христу и богородице, и святым его.

О преподобнем Ефросине, иже во Андомскую пустыню забежа от никонияньская ереси и скон (л. 111 об.) чася тамо о Христе Исусе. Мне он, грешному, друг был любимой, аз у него в пустыне год жил во единой келии и правило с ним вместе говорили, — зело христолюбив человек был, безмолвие вельми любил.

Некогда бо мне, грешному, в пустыни моей Виданской, седящу бо ми в безмолвии, прииде ко мне в пустыню странный старец именем Варлам и рече ми умиленным гласом и слезным сице: «Отче Епифаний, друг наш и брат и отец Ефросин святый преставися, и ныне дивныя чудеса творит благодатию духа святаго. Аз у него болши году жил, укрывался от никониянская ереси; чюдной муж житием был, Христа-бога зело любил и безмолвие». Сице рече ми брат, аз же грешный от того времени начал тужити и скорбети в сердцы моем, глаголя: «Како избуду муки вечныя и получу царство небесное? Господи, господи, владыко вседержителю, очисти мя от всякия скверны плоти и духа, и буди ми правитель и наставник, и вождь

191

ко (л. 112) спасению моему, и спаси мя грешнаго раба твоего, ими же веси судбами». Тако же и богородице, и святому ангелу-хранителю моему, и преподобнаго Ефросина в помощь призывая, и всех святых, да помолятся о мне ко Христу Исусу-свету, еже бы ми избыти муки вечныя и улучити царство со святыми его. И в сем помысле много дней препроводил, моляся всяко богу, да избуду мук и обрящу рай со святыми в будущем веце, то таки и думаю, сидя и ходя, и на одре моем лежа, и правило говоря, молитвы и каноны, и псалмы, и поклоны, и рукоделие делая, молюся иногда умом, иногда языком: да избуду муки вечныя и улучю царство вечное со святыми. И некогда бо ми после канонов, и после молитв, и поклонов нощных мнитмися в полунощи, возлегшу ми опочинути от трудов на одре моем, и сведохся абие в сон мал, и вижу в келейце моей сердечныма очима моима² гроб, а во гробе лежит старец Ефросин, друг мой любимой и сердечной, (л. 112 об.) мертв; аз же зрю во гроб на Ефросина и дивлюся, помышляя в себе: како обретеся в келии моей друг мой и гроб его, а погребен он во Андомской пустыне, а ныне обретеся в Виданьской пустыне у мене и в келии моей — что хощет быти се? И зрю на него прилежно, и нача преподобный Ефросин по малу-малу оживати, и оживе, и воста от гроба; аз же, грешный, с великою радостию объем его рукама³ моима, и начах лобызати и целовати его с любовию христовою, и глаголати: «О, свет мой и друг мой любимой Ефросинушко, ведаю аз, что ты давно умер, преставился на он свет, а ныне вижу тя, паки ожил ты. Скажи мне, свет мой, бога ради, как там царство небесное, где святыя, и праведныя, и преподобныя, и вси святии водворяются и царьствуют, и живут как на оном свете тамо? Да и грешникам како уготована мука та горкая и лютая, огнь, и червь, и смола, и всякая горесть и беда, скажи (л. 113) мне, Христа ради, Ефросинушко, по ряду вся, боюся аз, грешный, муки вечныя и беды тамошныя». Преподобный же Ефросин светлым лицем и веселым зрением воззре на мя и рече ми тихим и любовным, и смиренным гласом сице: «Брате мой и друже мой любимой Епифаний, молися ты прилежно пречистой богородице, то всех бед избудеши и получиши радость». И не вем, как святый из рук моих изыде и невидим бысть. Аз же, грешный, убудихся, яко от сна, а сердце мое наполнено великия радости, яко бог показа ми друга моего любимаго и брата, и отца преподобнаго старца Ефросина и учения святаго от уст его слышати сподобил мя, еже повеле ми молитися прилежно пречистой богородице. О всех сих слава Христу-богу-свету и богородице, матери его истинной, и святому ангелу-хранителю моему, и преподобному Ефросину, и всем святым во веки. Аминь.

Чюдо пречистыя богородицы. Тамо же, в Виданской пустыне, по выше (л. 113 об.) реченному по обычаю моему, после правила моего возлег на одр мой опочинути, и скоро прискочиша беси к келии моей, и зашумели громко зело, и отвориша сенныя двери, да и келейныя, пылко зело отвориша, и вскочил ко мне в келию бес, яко злой и лютой разбойник, и ухватил мене за горло и нача давить. Аз же, грешный, завопел к богородице сице: «Богородица, богородица, помози ми!» Он же и исчез, и не вем, камо делся. Аз же о сем прославих Христа-бога и богородицу, яко отгнаша от мене разбойника, злодея-дьявола.

192

А иное чюдо дивное и преславное пречистыя богородицы сказа мне грешному преподобный старец мой келейной, священноинок Мартирий, укрепляя мене, дабы держался аз крепко каноннаго святаго правила, и кондаки и икосы говорил бы на всяк день пречистой богородице неизменно без лености. Рече бо ми сице: «Чадо, есть писано во „Отечьнике“: (л. 114) „Бе во стране некоей монастырь некий, а в нем мниси живяху зело христолюбивы, и богородицу крепко и прилежно почитаху, и моляшеся ей всегда верно и прилежно; и бе у них в том монастыре устав таков, еже на заутрени в церкви пречистой богородице кондаки и икосы по вся дни говорят, а концы воспевают вси стоящий во церкви, еже есть сице: „Аллилуйя“ и паки — „Радуйся, невесто неневестная“. И некогда бо тоя обители игумен посла брата на службу монастырьскую, старец же взем благословение от отца и идяше на службу, благодаря бога и тружаяся тамо день до вечера, и прииде к монастырю уже поздо, и врата монастырьские заперты, и рече в себе старец: „Что сотворю? Аще начну во врата ударяти и стукати, то тем стуканием моим всю братию соблажню и смущу, и вратарей, и стражей тем оскорблю и опечалую и раздражу, и труд мой тем погублю, еже днесь (л. 114 об.) приобретох, и мзды лишуся от Христа-бога и богородицы; лучше ми братию не смутити и стражей не возбудити, но самому нужица, бога ради, прияти“. И помоляся ⁴старец Христу и богородице, и прижався ко ограде монастырьской возлегши, благодаря бога, тако и уснул. И егда начата в монастыре к заутрени благовестити, старец же скоро воста и прижався ко оградице монастырьской, моляшеся⁵ с верою сердечною, теплою прилежно; бе бо церковь близ ограды, и все ему слышать, что поют в церкви. И егда начали говорити кондаки и икосы, и концы воспевати „Аллилуйя“ и „Радуйся, невесто неневестная“, а старец, вне монастыря стоя за стеною, тако же концы возглашает. „Аллилуйя“, „Радуйся, невесто неневестная“. И егда последний конец икоса возгласиша во церкви: „Радуйся, невесто неневестная“, и старец, за стеною стоя, тоже рече: „Радуйся, невесто неневестная“ — и ста пред ним пречистая богородица и рече ему: „Радуйся (л. 115)и ты, старче, вото тебе златица“. Старец же прием златицу от руки пресвятыя богородицы и поклонися ей, она же и не видима бысть. Он же воззрев на златицу, лежащую на руце его, и возрадовася зело, и удивися дивом великим, бе бо златица красна зело и, яко от огня, от нея светяшеся. И скоро, скоро старец потече ко вратом монастырьским, и возопи гласом великим: «Вратницы, вратницы, отверзите ми врата скоро, богородица ми златицу даде чюдную“. Они же отвориша ему врата, старец же бежа во церковь ко игумену и ко ⁶братии всей⁷, и ста посреди церкви, и рече велиим гласом: „Отцы святии и братия, зрите на благословение чюдное пречистыя богородицы“. ⁸И скоро вси отцы⁹ стекошася ко старцу и узреша ту чюдную и красную златицу, и дивяся много красоте ея, и прославиша вси Христа-бога и богородицу. Старец же поведа им вся вышереченная, отцы же паки прославиша бога и богородицу, и разсуждение старцево, и (л. 115 об.) терпение его зело похвалиша. И повеле игумен звонити во вся, и певше молебная Христу-богу и богородице много, и ту красную златицу прицепиша ко образу местному пресвятыя богородицы на славу Христу-спасу и на похвалу¹⁰ богородице,

193

и на воспоминание дивнаго и преславнаго чюдеси ея, во веки веком¹¹, аминь».

И паки рече ми преподобный старец, священноинок Мартирий: «Ну, чадо, вото тебе сказано преславное чюдо пречистыя богородицы, и ты внимай себе умом и канонов говорити не ленися. Исусов канон ¹²говори на всяк день, а акафисто канон¹³ богородице пременяя по дню смотря, а кондаки и икосы на всяк день¹⁴, да „Воду прошед“, да ангелу хранителю канон, да и иныя каноны¹⁵; елико можеши вместити, вмести, чадо; и Псалтырь такоже на всяк день пой; трудися, чадо, зде крепко и верно, и твердо, да во оном веце добро будет во веки, аминь. А говори, чадо, каноны и кондаки, и икосы, и псалмы, и всякое правило неспешно, чтобы глаголемое тобою и ум. (л. 116) твой разумел, и славил бы бога о сих, и сицевое правило и богу приятно, и любезно, и душам нашим спасително. А еже, чадо, у нас в Соловецком монастыре по всем келиям предано всем братиям, умеющим грамоте, каноны и кондаки, и икосы пречистой богородицы говорити еще от святаго отца нашего Зосимы чюдотворца и по нем от игуменов, по обычаю вышереченнаго оного монастыря, воспоминая преславное чюдо пресвятыя¹⁶ богородицы¹⁷: егда говорят каноны, и кондаки, и икосы умеющий грамоте, а не умеющий туто ж стоят с молитвою исусовою, а концы вкупе вси возглашают сице: „Аллилуйя“ и паки „Радуйся, невесто неневестная“. И тако, чадо, у нас в Соловецком монастыре во всякой келии от начала и до днесь держится». Аз же грешный старцу поклонихся до земнаго лица за поучение его святое. Ну, чадо мое ¹⁸любимое Афанасие¹⁹, внимай себе умом крепко; что мне грешному старец приказал, то и аз ти приказываю, о Христе (л. 116 об.) Исусе, тому слава во веки, аминь.

²⁰Ино чюдо²¹ пречистыя богородицы. Но не позазри, ²²чадо мое²³, бога ради, малодушию моему; писано есть: всяка плоть не похвалится пред богом. Егда нас новыя мучители никонияны взяли ис темниц и за святую веру христову пред всем народом пустоозерским отсекоша нам руки и ²⁴отрезаша языки²⁵, и с теми горкими и ²⁶лютыми ранами²⁷ паки отведоша нас в старыя темницы, когождо во свою, — ох, ох, горе, горе дней тех, — аз же, грешный, внидох во свою темницу, и возгореся сердце мое во мне и вся внутренняя моя огнем великим, аз же падох на землю и бысть весь в поту, и начал умирати, и три накона умирал, да не умер, ²⁸душа моя ис тела моего не вышла²⁹. Так аз стал тужить, глаголя: «Что будет, смерти нету, а лутче сего времени ко исходу души на што? Бог сподобил причаститися тела христова и крови, и кровь мою помощию христовою пролил (л. 117) за старую³⁰ веру его святую, и за люди его, и за церкви его святыя; благодарю тя, господи, яко сподобил мя еси пострадати за вся сия и кровь мою излияти; возми же, свет мой истинной Христос, скоро душу мою от тела моего, не могу терпети болезней лютых и горких». И вижу, что нету ми³¹ смерти³². И аз востав со земли и на лавку лег ниц, а руку мою сеченую повесил на землю, помышляя в себе сице: «Пускай кровь-та выдет³³ из мене вся, так я и умру». И много крови вышло, и в темнице стало мокро, и стражи сена на кровь наслали, и пять дней точил кровь ис тела моего, дабы ми³⁴ от того смерть пришла. А точа кровь, вопел много ко господу на высоту небесную, глаголя: «Господи, господи, возми душу

194

мою от мене, не могу терпети болезней горких, помилуй мене, беднаго и грешнаго раба твоего, возми душу мою от тела моего». И вижу, что не даст ми бог смерти. И аз³⁵, грешной, бил челом Симеону десятнику, да отмоет ми от руки^{36 37}засушины кровавыя³⁸. Он же³⁹ отмыл от руки⁴⁰ (л. 117 об.) моея ⁴¹запекшуюся кровь⁴², и во имя христово моляся богу, помаза ми раны те серою еловою, нутреннею, и обяза ми больную мою руку платом, со слезами, и изыде ис темницы плача, видя мя тоскующа горко. Ох, ох, горе, горе дней тех! Аз же, грешный, в темнице един валяяся по земли на брюхе и на спине, и на боках, и всяко превращаяся от великия болезни и от горкия тоски, всяко вопел ко господу, да возмет душу мою, тако же и богородице, и всем святым моляхся, да помолятся о мне ко господу, дабы взял душу мою от мене господь; и много сего было моления и вопля. Простите мя, грешнаго, отцы святии и братия, согрешил аз, окаянный, от болезни великия и от тоски горкия, начах глаголати сице: «О, горе тебе, окаянне Епифане, Христос, сын божий, тебя вопиюща и молящася не слушает, ни богородица, ни святии его вси, а ты, святый отец наш Илья, архимарит соловецкой, был ты у меня в пустыне Виданской, явился мне и велел (л. 118) ⁴³мне книги⁴⁴ писать на обличение царю и на обращение его ко истинней вере ⁴⁵христове святей⁴⁶ старой, и аз книги писал ко спасению цареву и всего мира, и снес их ко царю, а ныне мя царь утомил и умучил зело, и язвы наложил горкия, и кровию мя обагрил, и в темницу повеле мя ринути немилостиво, а ты мне ныне в сицевой беде и в скорьби, и в болезни лютой нимало не поможеши. Ох, ох, горе мне, бедному, один погибаю, не помогает ми никто ныне — ни Христос, ни богородица, ни святии его вси!» И много тосковал⁴⁷, валяяся⁴⁸ по земли, и всполс на лавку, и лег на спине, а руку сеченую⁴⁹ положил на сердце мое, и найде на мя яко сон, и слышу — богородица руками своими болную мою руку осязает, и преста рука моя болети и от сердца моего отъиде тоска, и радость на мя найде, а пречистая⁵⁰ руками своими над моею рукою яко играет, и мнитмися, кабы богородица к руке моей и персты приложила, и велика радость (л. 118 об.) найде на мя тогда, аз же, грешный, хотех рукою моею удержати руку богородичну и не мог удержати, уйде бо⁵¹. Аз же, грешный, яко от сна убудихся, лежу⁵² по старому на спине, а рука моя на сердцы моем лежит, платом обязана по старому; аз же лежа⁵³ помышляю: «Что се бысть надо мною?» И начах осязати левою ⁵⁴моею рукою⁵⁵ правую мою руку сеченую, ища у ней перстов, ано перстов нету, а рука не болит, а сердце⁵⁶ радуется, аз же, грешный, прославих о сем Христа-бога, света нашего⁵⁷ и богородицу ⁵⁸матерь его истинную⁵⁹. Сие чюдо было в седмый день после мучения. И по мало-малу рука моя исцеле от ран, и делаю ныне всякое рукоделие по-прежнему, помощию христовою и пречистые богородицы, в славу Христу-богу, аминь⁶⁰.

Да еще ти, чадо мое и брате мой любимый, за любовь христову побеседую о языках моих. Егда⁶¹ мы были ⁶²на Москве в Кремле городе, на Угрешьском (л. 119) подворье Никольском, тогда много к нам приходило людей от царя и от сонмища никониянска, звали ⁶³нас и нудили много⁶⁴ всяко⁶⁵ в веру никонияньску, и мы их не послушали. И⁶⁶ тогда Аввакума протопопа и Никифора протопопа ухватиша скоро, и сомчаша с Москвы в

195

Братошино, ⁶⁷30 верст от Москвы⁶⁸; и последи их скоро прискочил к нам голова стрелецкой со стрельцами Василей Бухвостов, яко злой и лютой разбойник, — да воздаст ему господь по делом его, — и ухватили нас, священника Лазаря и меня, под руки и помчали скоро, скоро и зело немилостиво и безбожно, и примчали на Болото, и посадя нас на плаху, и отрезаша нам языки, и паки ухватиша нас, яко зверие лютии⁶⁹ суровии, и помчаша нас⁷⁰ такоже скоро, скоро. Мы же⁷¹ от болезней и от ран горких изнемогохом, не можем бежати с ними, и они ухватили извощика, и посадиша нас на телегу, и паки помчаша нас⁷² скоро, и потом на ямския телеги посадиша нас и свезоша нас в Братошино. (л. 119 об.) Тогда на пути из мене, грешнаго, в мале души не вытрясли на телегах: бе бо тогда ⁷³люта зело и тяжка болезнь⁷⁴ была. Ох, ох, ⁷⁵горе, горе⁷⁶ дней тех! И поставили нас в Братошине на дворы. Тогда аз, грешный, внидох на печь от болезни и от тоски горкия, и⁷⁷ печали великия, и возлег на печи, и начах помышляти в себе сице: «Горе мне бедному — как жить? Говорить стало нечем, языка нету. Кабы я жил в монастыре или в пустыне, так бы у мене язык был. Прости мя, господи Исусе Христе, сыне божий, согрешил пред тобою-светом, и пред богородицею, и пред всеми святыми: пошел к Москве ⁷⁹ис пустыни⁸⁰, хотел царя спасти, и царя не спас, а себя вредил⁸¹ — языка не стало, и нужнаго молвить нечем; горе, как до конца доживать?⁸²» И воздохнул ко господу из глубины сердца моего, и востав сошел с печи, и сел на лавке, и печалуюся о языке моем. О, скораго услышания света нашего, Христа-бога: поползе ⁸³бо ми⁸⁴ тогда язык ис ко(л. 120)рения и дойде до зубов моих; аз же возрадовахся о сем зело, и начах глаголати языком моим ясно, славя бога. Тогда ⁸⁵Аввакум протопоп то чюдо услышав ⁸⁶, скоро ко мне прибежа, плача и радуяся, и воспели мы с ним вкупе «Достойно есть» и «Слава и ныне», и все по ряду до конца, ⁸⁷по обычаю⁸⁸.

И по трех днех повезоша нас в заточение в Пустоозерье всех четверых⁸⁹ вкупе. И в Пустоозерье посадиша нас в темницах. И по двух годех приехал к нам от ⁹⁰новых мучителей⁹¹ никониян полуголова Иван Ялагин со стрельцами, и по три дни нудил нас всяко⁹² отврещися ⁹³святыя веры⁹⁴ христовы старой и приступити к новой вере никониянской. И мы его не послушали, и он велел ⁹⁵по наказу нам⁹⁶ языки резати паки, и руки сечь. И посреди всего народа пустоозерскаго поставиша нас, и Лазарю священнику ис корения язык отрезаша и руку по запястие отсекоша; потом приступиша ко мне, грешному, — палачь с ножем (л. 120 об.) и с клещами хощет гортань мою отворяти и язык мой резати. Аз же, грешный, тогда воздохнул из глубины сердца моего умиленно, зря на небо, рекох⁹⁷ сице: «Господи, помози ми!» О, дивнаго и скораго услышания света нашего, Христа-бога! Найде бо на мя тогда яко сон, и не слыхал, как палачь язык мой вырезал, толко вмале, вмале⁹⁸ ощутив⁹⁹, яко во сне, что палачь ми^{100 II—1}отрезал язык² (а на Москве, как первой ³язык мой⁴ палачь отрезал, тотда яко лютая змия укусила, и всю утробу мою защемило, и до Вологды тогда у мене от тоя болезни кровь шла задним проходом). И потом положиша руку мою правую⁵ на плаху и отсекоша четыре перста; аз же взем персты мои и положил в зепь. И отведоша нас по темницам. Аз же, грешный, внидох тогда во свою темницу и трою умирал, и пять дней кровь из

196

руки моея точил, смерти просил у Христа-бога и не даде ми ся смерть. Но пришед ко мне в темницу свет (л. 121) богородица и отъяша болезнь от руки моея, — о сем писано пространно на преди, — и по отъятии болезни от руки моея, почал аз правило мое говорить, псалмы и молитвы умом. А где язык был во рте⁶, туто стало быти слин много: егда спать лягу, и что̀ под головою лежит, то все⁷ умочит слинами, текущими из гортани⁸; и ясти нужно было тогда, понеже яди во рте ⁹превращать нечем¹⁰ тогда было; и егда принесут мне щей, и рыбы, и хлеба, и я в одно место сомну все, да тако вдруг и глотаю. А егда стану псалом говорить: «Помилуй мя, боже, по велицей милости твоей», и егда дойдет до сего места: «Возрадуется язык мой правде твоей», тогда аз, многогрешный, воздохну из глубины сердца моего, и слезишка¹¹ иногда из глазишек появятся, и с теми слезами погляжу умиленно на крест и на образ христов, и реку сице ко господу: «Господи, кому во мне возрадоватися, у мене и язы(л. 121 об.)ка нету, чем возрадуюся!» И паки: «Господи, устне мои отверзеши, и уста моя возвестят хвалу твою — что ми, господи, бедному и уста моя отверзать, чем мне тебе-свету и хвалу воздати, а у мене во устах и языка нету!» И паки возведу очи мои на образ христов, и воздохну, и реку с печалию: «Господи, что се бысть надо мною бедным!» А¹² Псалтырь¹³ говоря, дойду до сего места: «Предзрех господа предо мною выну, яко одесную мене есть, да ся не подвижу, сего ради возвеселися сердце мое и возрадовася язык мой», аз же тогда умиленно возведу очи мои ко господу, зря на крест и образ его, и реку¹⁴: «Господи, свет мой, куды язык мой ты¹⁵ дел? Ныне сердце мое не веселится, но плачет, и язык мои не радуется¹⁶, и нету его во устах моих». И паки¹⁷: «Вопроси¹⁸ отца твоего, и возвестят тебе, старца твоя, и рекут ти;— господи, чем мне бедному вопросити¹⁹, а у мене и языка нету!» И иная, подобная сему, (л. 122) обретающе в²⁰ псалме²¹, и аз умиленно погляжу на образ²² христов, и воздохну, и реку: «Господи, дай ми язык бедному на славу тебе, свету, а мне, грешному, на спасение». И сего у мене было дела болше дву²³ недель, всяко моляхся Христу-богу и богородице и всем святым, да даст ми господь язык. И некогда бо ми возлегшу на одре моем опочинути, и вижу себя на некоем поле велике и свет-де зело, ²⁴ему же конца несть²⁵. И дивлюся красоте ²⁶и величеству²⁷ поля того, и вижу: о левую страну мене на возду́хе лежат два мои языка — московской и пустоозерской, мало повыше мене; московской не само красен, но бледноват, а пустоозерской зело краснешенек. Аз же, грешный, простер руку мою левую и взем рукою моею со возду́ха пустоозерской мой красной язык, и положил его на правую мою руку, и зрю на него прилежно, он же на руке моей ворошится живешенек; аз же, дивяся много красоте его и живости его, и начах его ²⁸обеми руками моими²⁹ (л. 122 об.) превращати, чюдяся ему, и исправя его в руках моих — резаным местом к резаному же месту, к корению язычному, идеже преже бе, и положил его руками моими во уста мои, он же и прилнул к корению, идеже преже³⁰ был³¹ от рожения матерня. Аз же возрадовахся и возбнух, яко от сна, и дивлюся сему видению, глаголя в себе: «Господи, что се хощет быти?» И от того времени скоро по малу-малу дойде язык мой до зубов моих и бысть полон и велик, яко же³² от рожения матере моея, и в монастыре и в пустыне бе, и слин

197

нелепых и непотребных не стало во устах моих; и потребен ми бе³³ стал язык³⁴ на всякую службу: к ядению и к молитве, и ко псалмом, и ко всякому чтению святых книг. Есть язык мой, богом данный ми новой, короче старово, ино толще старово и шире во все страны и по смете есть со старой. И о сем ныне веселюся, о господе, сердцем моим, и душею моею, и языком новым моим радуюся (л. 123) со Давидом пророком, и молюся, и славлю, и величаю, и пою, и хвалю, и хвалу воздаю Христу Исусу, спасителю моему, свету, давшему ми новой язык, елико он ми свет, ³⁵бог-спаситель³⁶ мой³⁷, помощи ми³⁸ подавает ³⁹и научает мя⁴⁰ на славу и хвалу ему, господу-богу нашему, а мне, бедному и грешному, на спасение; и паки со Давидом святым ⁴¹вкупе реку⁴²: «Благословен господь бог израилев, творяй чюдеса един, тому слава во веки веком⁴³, аминь».

Воистину, чадо мое ⁴⁴и брате мой любимый⁴⁵ Афанасий⁴⁶, утешает нас бедных гонимых⁴⁷ рабов своих в нуждах, и в напастех, и в бедах, и в печалех, и в болезнех наших всяких⁴⁸ Христос, сын божий; яко отец чадолюбивой чад своих, тако и бог утешает молящихся ему, свету, с верою теплою, не оставляет их ⁴⁹во всяком горе, утешает всяко⁵⁰.

Некогда бо ми, грешному, в темнице сей, яко во гробе, седящу, прииде на мя печаль (л. 123 об.) велика и возмутиша всю внутреннюю мою, и нача глаголати в себе сице: «Что се творится надо мною, бедным? Монастырь оставил, в пустыне ⁵¹не жил, а колико ми в пустыне⁵² Христос и богородица чюдных показа богознамений? И то мя не удержа тамо, пошел к Москве, хотел царя отвратити от погибели его, злые ереси никониянския хотел от него отлучить и спасти его; а ныне царь пуще и старово погибает, християн зле всяко мучит за истинную ⁵³святую старую⁵⁴ христову веру; а я ныне в темнице, яко во гробе, сижу, жив землею погребен, всякую нужу терплю темничную, дым горкой глотаю⁵⁵, глаза дымом и копотию, и всякою грязню выело. Одна темница — то и церковь, то и трапеза, то и заход. А клопы ⁵⁶жива хотят⁵⁷ сьесть и черьвям не хотят оставить. А не ведаю, есть ли то на ползу и спасение бедной и грешной души моей, и приятно ли то, и угодно ли то богу-свету нашему, сия вся моя страдания. Аще бы ведал, что есть на пользу и на спасение бедной и грешной души моей (л. 124) и Христу богу приятна моя бедная страдания, то бы с радостию терпел вся сия, о Христе Исусе». И возгореся сердце мое⁵⁸ и вся внутренняя моя, аз же, грешный, воздех руце мои на высоту небесную и завопел ко господу богу: «О, господи Исусе Христе сыне божий, сотворивый небо и землю⁵⁹, солнце и месяц, и звезды, и всю тварь видимую, и невидимую, услыши мя, грешнаго раба твоего, вопиющаго ти, яви ми, ими же веси судбами, годно ли ти, свету, течение мое сие, и потребен ли ти сей путь мой, и есть ли на спасение ми, бедному и грешному рабу твоему, вся сия страдания моя бедная?» И иная, подобная сим. И ударихся три накона о землю, и много после сего поклонов было, и со слезишками⁶⁰, и богородице, и всем святым моляхся, да явит ми господь, годно ли ему, свету, страдание мое бедное сие ⁶¹и есть ли⁶² на спасение души моей грешной (сие было⁶³ 179 году в великий пост, ⁶⁴тогда хлеба⁶⁵ не ел две недели три дни)⁶⁶. И уже изнемог от поста и от труда поклоннаго и молитвеннаго, и возлег на земли на рогозине (л. 124 об.), на ней же поклоны творях.

198

И скоро найде на мя сон мал: и вижу сердечныма очима моима темничное оконце мое на все страны широко стало, и свет велик ко мне в темницу сияет; аз же зрю прилежно на той великий свет, и нача той⁶⁷ свет огустевати, и сотворися ис того света воздушнаго лице, яко человеческое — очи, и нос, и брада, подобно образу нерукотворенному спасову, и рече ми той образ сице: «Твой сей путь, не скорби». И паки той образ разлияся в свет и невидим бысть. Аз же отворил очи мои телесныя и поглядев⁶⁸ на оконце мое темничное, а оконце по-старому, яко же и преже бысть. Аз же рекох: «Слава тебе господи, по множеству болезней моих в сердцы моем утешения твоя возвеселиша душу мою». И той образ гласом своим отгнал от мене тму малодушия, от того времени стал терпети с радостию всякую нужу темничную, благодаря бога, чая и ожидая будущия грядущия радости, обещанныя богом терпящим (л. 125) его ради всяку скорбь и болезнь в веце сем. О всех сих слава Христу ⁶⁹богу, свету⁷⁰ нашему, во веки веком⁷¹, аминь.

Да ⁷²простите мя, господия моя⁷³, егда темничное то сидение в нечесом оскорбит мя и досадит, и опечалит горко, и аз, окаянный, не мога тоя скорби терпети, стану о монастыре и о пустыне прилежно тужити, а себя укоряти сице: «Ну, окаянной, на обещании в Соловецком монастыре в попы ставили, и ты не стал, и в монастыре не жил, и пустыню оставил, терпи же ныне, окаянной, всякую беду и горесть, и досаду темничную». И иная подобная сим изреку, укоряя себя и темничное сидение уничижая. И последи сего ⁷⁴ми не проходит⁷⁵ так — попущением божиим беси ми ругаются и досажают тогда. И ⁷⁶вы мя, господия и братия моя⁷⁷, во всяком малодушии, в слове, и в деле, и в помышлении ⁷⁸простите, и благословите, и молитеся⁷⁹ о мне, грешнем, Христу-богу и богородице, ⁸⁰и святым его. Аминь⁸¹.

(л. 125 об.). Чюдо о глазах моих креста ради христова. Егда послали⁸² к нам наконияня, новыя⁸³ мучителя, с Москвы в Пустоозерье полуголову Ивана Ялагина со стрельцами, он же, приехав к нам, и взяв⁸⁴ нас ис темниц, и поставил нас пред собою, и наказ стал прочитати. Тамо у них писано величество царево и последи писано у них сице⁸⁵: «Веруете ли⁸⁶ вы в символе веры в духа святаго не истиннаго? И тремя персты креститися хощете ли по нынешнему изволу цареву? Аще приимите сии две тайны, и царь вас вельми пожалует». И мы отвещали ему противу наказу сице: «Мы веруем и в духа святого господа истиннаго и животворящаго, а⁸⁷ тремя персты креститися не хотим⁸⁸, нечестиво то». И по три дни нудили нас всяко⁸⁹ сии две отступныя вещи приняти, и мы их не послушали, и они нам за то ⁹⁰по наказу⁹¹ отрезаша языки и руки отсекоша: Лазарю священнику по запястие, ⁹²Феодору дьякону поперег долони⁹³, мне, бедному, четыре перста (осмь костей), и (л. 126) посем отведоша нас бедных в старыя темницы. Ох, ох, увы, увы, дней тех! И обрубиша около темниц наших струбы и осыпаша⁹⁴ темницах землею, и тако погребоша нас живых в землю з горкими и лютыми язвами, и оставиша нам по единому оконцу, куды нужная пища приимати⁹⁵ и дровишек приняти. И от того времени, ⁹⁶господия моя⁹⁷, стало у мене быти в темнице нужно⁹⁸ и чадно, и пылно, и горко от дыма, и многажды умирал от дыма. И от всех сих

199

темничных озлоблениих, и от пепелу, и от всякия грязи и нужи темничныя, по малу-малу начата у мене глаза худо глядети и гною стало много⁹⁹ во очех моих, и я гной содирал с них руками моими. И уже зело изнемогоша очи мои, и не видел по книге говорить, и я¹⁰⁰, грешной, о сем опечалился зело и уныл, и тужил не мало времени. И некогда бо ^III—1ми возлегшу² на одре моем, и рекох себе: «Ну, окаянне Епифане, ел ты много, ³пил ты много⁴, спал ты много, а о правиле (л. 126 об.) келейном не радел, ленился и не плакал пред богом из воли своя, се ныне плачи⁵ и неволею слепоты своея, ныне пришло тебе время Феофила-старца, он плакал 30 лет над корчагою (писано о нем в Патерике печерском). Но он⁶, Феофил, был за готовою трапезою в монастыре, а тебе, окаянному, и дров в печь положить слепому нелзе». И инаго подобно сему рекох себе из глубины сердечныя со слезишками⁷, а иное ко господу рекох: «Господи, Исусе Христе сыне божий, помилуй мя грешнаго, по благодати спаси мя, а не по долгу, ими же веси судбами, не имею бо пред тобою благосотворенное мною ничтоже, но спаси мя ⁸ради пречистыя⁹ богородицы и святаго аньгела ¹⁰хранителя моего¹¹, и всех святых твоих». А¹² иное кое-што¹³ поговорил¹⁴ к богородице и ко ангелу, и ко всем святым со воздыханием и со слезишками¹⁵, да помолятся о мне, бедном и грешном, свету нашему, Христу Исусу. И тако лежа¹⁶, плача, и уснул. И скоро вижу сердечныма очима моима, кабы сотник (л. 127) к темнице моей пришел к оконцу и принес много крестов болших и малых. Отесаны, болшая щепа обита с них, оглавлены, яко быти тут крестам многим; и кладяше их¹⁷ на оконце мое темничное, и рече ми сотник сице: «¹⁸Старче, зделай¹⁹ мне крестов христовых много, надобно мне». И аз рекох ему с печалию: «Уже, господине, нелзе мне ныне крестов делать, не вижу; а се²⁰ рука больна, сечена. Отошло ныне от мене рукоделие то». И рече ми сотник: «Делай, бога ради, делай, Христос тебе поможет», и невидим бысть. Аз же, грешный, убудихся, яко от сна, и рекох себе: «Что се будет видение?» А глаза таки у мене болят по-старому и гноем заплывают, и аз руками²¹ гной ²²содираю со очей моих²³ с печалию великою, насилу великую гляжу. И посем в третий день прииде к темнице моей сотник той же яве в день и принесе ми древо кедровое на кресты, и кляпичек²⁴, и долотечко маленкое — прежних моих снастей крестовых. ²⁵С приезду (л. 127 об.) до мучения здеся аз делал кресты²⁶ болши дву годов²⁷. И как мы ²⁸пошли к смертному часу²⁹ на мучение, тогда аз ту снасть отдал требующим, Христа ради, а он ³⁰ту снасть паки сыскал³¹ и принес ко³² мне; и даде ми снасть и древо, и рече ми сотник: «Старец, зделай мне³³ крестов христовых не мало таки, много надобе мне вести к Москве и давать боголюбцем³⁴». И аз рек³⁵ ему: «Уже, рабе христов, отошло от мене ныне сие дело, не вижу, а се и рука ³⁶сеченая болна³⁷, а сие дело великое и святое, и щепетко его делать». И рече ми паки сотник: «Пожалуй-су, пожалуй-су, бога ради, потружайся, не обленися — будет тебя столько, Христос тебе поможет». И аз рек ему: «И ты сходи, бога ради, ко Аввакуму и принеси мне^{38 39}от него благословение⁴⁰, да и помолился бы о мне, да поможет ми господь кресты делать». Он же скоро тече ко Аввакуму и ⁴¹принесе ми от него благословение⁴², и рече ми сице: «Аввакум тебя⁴³ благослов (л. 128) ляет кресты делать и молится⁴⁴ богу⁴⁵ о тебе,

200

да поможет ти господь кресты делать». И аз рек ему: «Благослови же и ты мене⁴⁶, бога ради, кресты делать, да⁴⁷ и помолися о мне». Он же рече ми: «Бог благословит тя кресты делать и помолюся о тебе». И иде от темницы моея, по обычаю, благочинно с прощением поклоняся. Аз же, грешный, превращая в руках моих древо кедровое и кляпичек, и долотечко, глаголя сице: «Господи, господи Исусе Христе, истинный боже наш, что се будет? Рука болна и очи не видят, а нудят мя и благословляют раби твои⁴⁸. Их ради веры великия и прочих рабов твоих, желающих креста твоего святаго на поклонение себе, помози ми, господи, грешному рабу твоему, их ради молитв». И с началом помоляся Христу-богу-свету и богородице, ⁴⁹матере его истинной⁵⁰, и святому ангелу хранителю моему, и всем святым, и начал крест делать. О, чюдо великое Христа-бога, света нашего; о, скораго милосердия спаса (л. 128 об.) нашего Христа; о, дивнаго исцеления очей моих бедных! Креста ради христова бысть ⁵¹очи мои в том часе безболезнены и светлы зело⁵², а и рука моя стала потребна на службу кресту христову. ⁵³Слава Христу-богу, свету нашему, о всех сих во веки веком, аминь⁵⁴.

И егда поможет ми господь ⁵⁵крест зделать⁵⁶ малой или болшой^{57 58}поклонной или воротовой⁵⁹, и⁶⁰ аз его положу или поставлю на обычном месте честно и поклонюся ему, и проговорю ему тропарь: «Спаси, господи, люди своя», и кондак: «Вознесыйся на крест», посем песнь шестую кресту, ирмос: «Божественное се и всечестное совершающе праздньство богомудрении божия матере, приидете, руками восплещем от нея рождьшагося верою славяще; слава, господи, кресту твоему честному; крест всем воскресение, крест падшим исправление, страстем умерщвление и плоти пригвождение, крест душам слава и свет вечь (л. 129) ный; слава, господи, кресту твоему честному; крест врагом губитель, крест злочестивым язва и пленение, и верным держава, благочестивым хранитель и бесом отгонитель; слава; крест страстем пагуба, крест помыслом злым⁶¹ отгнание, крест сокрушение языческо искусително и духовом показася ловительство. И ныне крест воздвижеся и падают духов воздушных чинове, крест снисходит и нечестивии вси ужасаются, яко молнию видяще крестную силу». Посем⁶² молитва кресту: «Да воскреснет бог и разыдутся врази его, и да бежат от лица его ненавидящий его; яко исчезает дым, да исчезнут; яко тает воск от лица огню, тако да погибнут беси от лица любящих бога и знаменующихся крестным знамением; и да возвеселимся рекуще: радуйся, кресте господень, прогоняяй бесы силою на тебе пропятаго господа нашего Исуса Христа⁶³, во ад сошедшаго и поправшаго силу дияволю и давшаго нам крест свой честный на прогнание всякаго врага и супостата. О, пречестный и животво(л. 129 об.)рящий кресте господень, помогай нам⁶⁴ со пресвятою госпожею богородицею и со всеми святыми небесными силами всегда, и ныне и присно и во веки веком, аминь». Посем: «Кресту твоему поклоняемся⁶⁵, владыко, и святое воскресение твое славим», триж и поклоны три великия; таж: «Господи Исусе Христе, сыне божий, помилуй нас; спаси, господи, и помилуй раб своих, идеже будет сей крест твой честный носящих и держащих, и поклоняющихся ему, молящихся тебе свету, и дом той, и место то, идеже будет креет твой сей святый, отгони от них

201

всей дух нечист, лукав, сатанин ⁶⁶и всех бесов его⁶⁷, и злых человек, и всякое действо сатанино, и всех бесов его, и злых человек и избави их, господи, от всякаго расколу церковнаго и от всякия службы еретическия, и от всякия скорби, гнева, и нужды, и печали, и от всякия болезни душевныя и телесныя, и прости им, господи, всякое согрешение, волное и неволное, и спаси их, свет наш, и молитвами их святыми, и мене грешнаго раба твоего спаси», да и богородице, и ангелом хранителем, (л. 130) и всем святым о том же помолюся. И⁶⁸ поклон⁶⁹. Таж: «Господи Исусе Христе, сыне божий, помилуй нас; со страхом и любовию приступаю ти, Христе». Поклон земной. «Страхом убо греха ради, любовию же спасения ради». Поклон земной. И приступя ко кресту, со страхом божиим возму его рукою и целую в подножие, глаголя сице: «Осени ми, господи, ⁷⁰уста и язык⁷¹ благодатию духа твоего святаго, силою креста твоего святаго, на славу тебе, свету, и на спасение бедной и грешной души моей». Таж — лице и очи. «Да всегда зрю к тебе, свету». Таж⁷² — уши. «Да слышу и разумею по воли твоей святей». Таж — главу и ум. «Да всегда угодная тебе свету творят». Таж к сердцу приложу крест и реку сице со умилением: «Господи, благодатию духа твоего святаго, силою креста твоего святаго зажги и запали сердце мое ⁷³любовию твоею⁷⁴ и всю внутреннюю мою, да всегда горит к тебе-свету, и очисти мя, господи, от всякия скверны, плоти и духа, и спаси мя». Таж поцелую его паки и реку: «Тако ж и всех рабов твоих, носящих и держащих (л. 130 об.) и любящих тя, света, очисти и спаси их». Таж положу его на то же место и реку: «Верую, господи, яко ты еси Христос, сын божий, распныйся на честнем кресте и воскрес, и поклоняюся тебе, свету, и честному кресту твоему⁷⁵, и воскресению, и пречистой богородице, и святым ангелом хранителем нашим, и всем святым твоим». И поклон земной великий, или 2. Таж: «Слава и ныне; господи помилуй, господи помилуй, господи благослови». «Господи Исусе Христе, сыне божий, молитв ради пречистыя ти матере, силою честнаго и животворящаго креста и святых небесных сил бесплотных, и святых ангел хранителей наших, и святаго пророка и предотеча крестителя Иванна, и святых славных и всехвалных апостол, и иже во святых отец наших Николы архиепископа мирликийских чюдотворца, и Филиппа митрополита московскаго, всея Русии чюдотворца, и преподобных и богоносных отец наших Зосимы и Саватия, и Германа, и Илии архимарита, и Иринарха игумена, соловецких (л. 131) чюдотворцев, и святаго имя рек, его же есть день, и всех святых твоих, помилуй и спаси нас, яко благ и человеколюбец». «Господи помилуй» триж. Сие кресту совершение.

И⁷⁶ егда, чадо мое любимое Афанасие, делаю аз кресты те прилежно и утомлюся, делая их доволно, и возлягу опочинути на одре моем, и усну, и егда первый сон отидет от мене, аз же лежу на одре моем, уже не спя, тогда ми чюдныя гласы бывают, повелевают ми востати и делати кресты сице, от вне юду к темничному моему оконцу принича, яко юноша некий доброгласный чюдным и умиленным и светлым гласом сотворит ми молитву сице: «Господи Исусе Христе, сыне божий, помилуй нас»; аз же реку «аминь»; и востану, и того дни зело ми поспешно бывает в рукоделии крестов. Да и сему аз, чадо мое Афанасие, много дивлюся: делаю аз сего рукоделия

202

дватцать пять лет или мнитмися близ и тридесяти лет, (л. 131 об.) а ни которою снастию ни руки, ни ноги ни посек, ни порезал; соблюдает мя благодать святаго духа и до днесь; а по смете⁷⁷ мнитмися болше пяти — или шестисот зделано крестов. А егда делаю ведерка или ящики, или ино что, тогда много рук и ног сек и резал, и крови тачивал много. А егда не послушаю гласа того, будящаго мя, и паки усну, тогда много ми беси творят во сне пакости, иногда и осквернят ми окаяннаго искушением. Аз же востану тогда с печалию и очищуся от искушения по преданию старческому, и того дни крестов не делаю, укаряя себя сице: «Недостоин ты, окаянный, сего святаго рукоделия — делати крестов». А от рукоделия крестов толко имывал аз⁷⁸ денег — четыри денги, разве хлеба и рыбы, и инаго нужных телесных, а то все отдавал Христа ради. И аще кто принесет ми за труды от крестов хлеба или ино что ядоме и нужное телу моему, и аз прииму у нево во имя христо (л. 132) во и положу ту милостыню пред образом христовым и пречистыя богородицы, и прошу милости у Христа-бога и богородицы приносящему рабу христову, и чадом его, и всему дому его, да умножит ему Христос-бог вместо сих сторицею и благословит его во вся дни живота его, и весь дом его, и да сподобит их господь и в будущем веце благословения во веки веком, аминь.

Ну, чадо мое Афанасие и брате мой любимый, за любовь христову сказано тебе житие мое бедное и грешное, да сказана тебе и⁷⁹ тайна моя о рукоделии крестовом; и аще хощеши, и ты твори тако же, да и всем тоже говорю рабом господним, любящим Христа Исуса. Тому слава ныне и присно, и во веки веком, аминь.

Да молю вас о Христе Исусе, не позазрите, господа ради, простоте моей, чада моя и братия моя, и отцы, и вси раби христовы, чтущии и слышащии сия вся, но простите мя, грешнаго, в слове и в деле, и в помышлении и благословите, и молитеся за мя, а вас бог простит в сем (л. 132 об.) веце и в будущем, аминь.

А сие от «Пчелы-книги» о терпении: блажен человек, иже терпят о саждение и таит прекословие, многи грехи разсыпает; книголюбец мало пищи приемлет, понеже стоит межи смерти и безсмертия. От книги «Маргарита»: в начале, рече бог, сотворим человека по образу нашему⁸⁰ и по подобию; толк: не по телесному начертанию, но властный сан, а по подобию — еже добродетелми уподоблятися богу, сотворшему человека. Аминь.